"Go out into the world and be good citizens of this country. We look forward to the time you'll create a better world for your fellow Filipinos. Go with all our hopes and love."
MAO ni ang buhing mensahe sa tsip sa Departamento sa Edukasyon, Leonor Magtolis Briones.
Kinasing-kasing nga gidasig sa tsip ang mga graduates nga unta sila may igong katakus nga mamahimong modelo sa pagtukod sa mas maayo ug malipayon nga nasud diha sa pagpuyo subay sa unsay kamatuoran.
"You are the product of a quality education, an education based on the search for Truth."
kini sab ang pamahayag sa Obispo sa Orlando nga si Bishop John Gerald Noonan ngadto sa mga unang nilampos sa senior high school karong tuiga.
Dako sab ang suporta ni Briones sa pag-ingon, "You have the right to ask and demand for quality education. Whatever your age is, whatever your gender is, whatever your choice of lifestyle is," ug dugang pa niya "You are entitled to quality education. You will not be left behind."
Human sa unom ka tuig nga pakigbisog, nagmalampuson gyud ang mga kabataan nga nagtungha sa senior high school aron mapadayag nila ang ilang mga nakat-onan, nahinumdoman ug nasaksihan sa ilang high school life.
Sumala pa sa inila nga philosopher, Socrates, nagpahinumdom sa tanan nga nag-ingon "The unexamined life is not worth living". Kining maong kaalam naghagit ug naghangyo sa tanang mga nigraduwar nga ang matag usa kanila magpadayon unta sa pagpangita sa unsay kamatuoran (truth) ug dili gyud katungod nila nga mobuhat sa mga dautan ug mali nga mga binuhatan.
Apan unsa man diay ang giingon nga "kamatuoran"? Nindot nga pangutana sa kaugalingon. Ang maong kamatuoran makit-an, masaksihan lamang nato kini kung ikaw ug ako pinaagi sa pagtoo, kung nagpuyo ba sa tinuod ug mas malipayon nga kinabuhi.
Si kanhi Pope John Paul II miingon sab sa mga graduates nga "You must become like a dove in order to fly. You will need two wings: the wing of Faith and the wing of Reason."
Kay diha lamang sa pagtoo (faith) ug pagrason (reason) makit-an ang unsay kamatuoran, ang kamatuoran mahitungod sa imong kaugalingon, sa imong kinabuhi ug sa unsay mga kahulogan niana.
Ang pagtoo (faith) maoy tinuod nga gasa alang sa usag-usa. "Si Kristo namatay, si Kristo nabanhaw, ug si Kristo mobalik nganhi." Kining mga pulong nagsulti sa tinuod nga kamatuoran (truth) nga diin ang tawhanong pangisip (reason) dili ug dili gyud makasabot o kaha makabaton og kaalam kung walay kahayag, kalayo sa pagtoo (faith).
Ang atong gahum sa pangrason, (reasoning) wala nagasalikway sa unsay kamatuoran (truth) tungod kay ang atong pangisip wala nagsumikad sa atong pangisip lamang. Ang pangisip nato kinahanglan bukas o abli sa unsay kamatuoran.
Si sekretary Briones masaligon sa pag-ingon, "Graduates can help create a better, happier, and more hopeful country whatever their chosen path may be - higher education, employment, entrepreneurship, or middle-level skills development.”
Hinumdoman nato nga kini matuman lamang kung ang duha ka pako, ang pagtoo ug pangrason, kanunay gihuptan, gigamit sa matag usa aron maamguhan ang unsay tinuod gikan sa peke, dili tinuod ug hinayhinay makit-an ang kahayag sa "God’s Truth".
Ang atong mga graduates maoy paglaum ug kaugmaon sa atong nasud ug sa kalibutan. Kay sa ilang pagkasila karon maoy bugtong gasa sa Diyos kanila.
Graduates, hinumdomi kini kanunay nga kamo ang kahayag sa kalibutan ug dili mamahimong kangitngit sa uban. "The more you show your light through Christ, the more you bring about Goodness, Righteousness and Truth," dason ni Bishop Noonan. Hinaut pa unta nga sa inyo magsugod ang tinuod nga kabag-ohan diin maghari ang hustisya ug kaangayan, gugma ug kalinaw.
Amen. (Comment/Feedback- 09109006290)