GILANTAW karon sa mga awtoridad sa Cotabato City nga selos sa trabaho ang motibo sa sa pagpusil patay sa opisyal sa Cotabao City Disaster Risk Reduction and Management Office (CCDRRMO) alas 9 sa gabii niadtong Biyernes, Marso 1.
Ang biktiman nga si Jose Raymond Marquez, 42, minyo, maoy chief of operations sa maong buhatan.
Gibutyag ni Cotabato City Police Office Director Colonel Querubin Manalang nga sakay si Marquez sa usa ka motorsiklo sa General Luna Street, Malibacao, Barangay Rosary Heights 4, Cotabato City.
Apan kalit lang gitaparan og duha ka wala mailhing lalaki ug gipusil tumong sa dughan.
Gitabang gilayon sa mga nakasaksi, sakop sa Barangay Peacekeeping Action Team (BPAT), pulis ug sa mga kauban sa CDRRMO ang biktima ug gihatud sa Cotabato Regional and Medical Center (CRMC). Apan gideklara kining dead on arrival human nga nakaangkon og upat ka samad pinusilan sa dughan.
Ang hitabo gikondena ni Mayor Bruce Matabalao ug nagmando sa kapulisan sa paspas nga imbestigasyon sa krimen.