P14.6M pinayuhot nga yosi nasakmit
(Hulagway iya sa Parang MPS)

P14.6M pinayuhot nga yosi nasakmit

COTABATO CITY -- Tingkagol sa prisohan ang tulo ka suspek sa pagpalusot og sigarilyo alas 12:30 sa udto, Dominggo, Hunyo 30, 2024, sa Parang, Maguindanao del Norte.

Giila ang mga dinakpan nga sila alyas Edwin, Roger ug Julius, mga molupyo sa Parang, Maguindanao del Norte.

Gibutyag ni Parang Chief of Police, Lieutenant Colonel Erwin Tabora nga nakadawat sila og taho gikan sa mga sibilyan sa forward truck nga dunay karga nga smuggled cigarettes.

Abtik nga nagpahigayon og anti-smuggling operation ang Parang Municipal Police Station sa Barangay Sarmiento, Parang hinungdan nga ilang nadakpan ang mga suspek nga sakay sa cargo truck nga karga ang mga kontrabando.

Narekober sa mga pulis ang 500 ka karton sa smuggled cigarettes nga nagkantidad og P14.6 milyon.

Ang ilegal nga sigarilyo giingong nagagikan sa Zamboanga ug i-deliber unta sa Libungan, Cotabato Province apan way suwerte kay natiktikan sa mga sibilyan ug hingpit nga nasakmit sa mga pulis.

Mga suspek pasakaan og tukmang kaso sa kapulisan. (EEF)

SunStar Publishing Inc.
www.sunstar.com.ph