DUL-AN 500 tinun-an gikan sa Davao del Norte State College (DNSC) bag-ohay lang nakadawat og kinatibuk-ang P1.56 million in cash assistance pinaagi sa Department of Social Welfare and Development’s (DSWD) Cash-for-Work Program for Higher Education Institutions (HEIs) ubos sa Kapit-Bisig Laban sa Kahirapan – Comprehensive and Integrated Delivery of Social Services (KALAHI-CIDSS).
Ang programa, giimplementar sa DSWD Field Office-Davao, direkta nga makabenepisyo ang 461 ka tinun-an sa DNSC, mohatag og "much-needed financial support" aron nga abagan ang ilang matag adlaw nga galastuhan ug panginahanglan sa edukasyon.
Sulod sa 25 ka adlaw, 422 ka mga benepisyaryong tinun-an nakaani og matag adlaw nga bayad nga P240.50, nga niabot ngadto sa P6,012.50 matag usa alang sa community service nga aktibidad sama sa pagpanghinlo, pagpananum og kahoy, ug uban pang proyektong sibiko sulod sa ilang lokalidad. Dugang pa niini, 39 pa ka bag-ohay nga nigraduwar sa kolehiyo kinsa nisalmot sa programa nakadawat og taas nga matag adaw nga suholan nga P481 sulod sa walo ka oras nga pagtrabaho, niani og kinatibuk-ang P12,025 matag usa.
Gawas sa paghatag og temporaryong kita, ang programa nagtumong sab sa pagpromotar og community engagement sa mga kabatan-onan pinaagi sa pagdasig sa ilang partisipasyon sa mga proyekto nga makatampo sa pagpanalipod sa kabuhatan ug sosyal nga kalamboan sa ilang mga komunidad.
Ang Cash-for-Work Program alang sa HEIs ilawom sa KALAHI-CIDSS kabahin sa mas gipalapdan nga estratihiya sa DSWD aron nga suportahan ang low-income nga mga pamilya ug magpagahum sa kabatan-onan gikan sa marginalized sectors. Ang inisyatibo gidesinyo aron nga tabangan ang mga tinun-an, ilabi kadtong nag-atubang og kalisud sa pinansiyal, aron nga makalahutay sa ilang edukasyon samtang makapahimulos og kasinatian sa trabaho ug magmugna og community responsibility.
Sukad Hunyo 2025, ang DSWD padayon nga nagpahigayon og samang Cash-for-Work interventions sa nagkadaiyang probinsiya sa Mindanao.
Kini kabahin sa padayong paningkamot sa nasudnong gobyerno nga matubag ang kakabus ug way trabaho nga mga kabatan-onan, samtang nagpalig-on sab sa pagpartisipar sa komunidad sa local development programs. (David Ezra Francisquete)