P2.7M nga smuggled cigarettes naukoy

P2.7M nga smuggled cigarettes naukoy
Hulagway gikan sa Sultan Kudarat Municipal Police Station.

COTABATO CITY - Minghoy ang tulo ka tawo nga nadakpan sa pagpalusot og ilegal nga sigarilyo ala 1:05 sa hapon, Dominggo, Enero 4, 2024 sa probinsiya sa Maguindanao del Norte.

Giila ang mga suspek nga sila Garban Jhon Rex Paglinawan, taga South Upi, Maguindanao del Sur; Jason Lanoria, 30, nga molupyo sa Brgy. Making, Parang Maguindanao del Norte; ug Abubakar Halid Nawal, nga taga Talayan, .

Gibutyag ni Sultan Kudarat Chief of Police, Lieutenant Colonel Esmael Madin, nga nakadawat sila og taho sa ipalusot nga smuggled cigarettes.

Abtik nga nilusad og intel-driven operation ang Sultan Kudarat Municipal Police Station ug giatngan ang Fuso truck sa Barangay Dalumangcob, Sultan Kudarat, Maguindanao del Norte.

Sa diha nga gipa-abrihan sa mga awtoridad ang cargo truck, nadiskubrehan ang 150 ka karton nga smuggled cigarettes nga Berlin nga gikan sa nasud Indonesia.

Mokantidad og P2.7 milyon ang ilegal nga sigarilyo nga nakompiska sa kapulisan.

Nagpasalamat si Colonel Mandin sa ubang Law Emforcement Unit nga nitimbre kanila sa gipalusot nga kontrabando.

Sa kasamtangan mga suspek gibalhog sa prisohan sa Sultan Kudarat MPS ug gitakda nga pasakaan og tukmang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph