NASAKMIT sa mga sakop sa Regional Special Operation Group (RSOG) XI ang mga kinarton nga ismagol nga sigarilyo atol sa ilang operasyon nga gipangunahan ni Police Captain Louie Balmori ubos sa superbisyon ni P/Lt. Col. Hamlet Lerios kuyog ang Bunawan Police Station 6 ubos sa superbisyon ni Police Major Jake Goles alas 3:05 Biyernes sa kaadlawon, Pebrero 23, 2024 sa baybay sa Brgy. Ilang, Tibungco.
Nakumpiska sa RSOG ang 28 ka mga karton unod ang mga smuggled nga sigarilyo nga may lain-laing brand.
Pag-abot sa mga pulis sa baybay ilang naaktuhan ug nakita ang duha ka mga indibidwal nga nagdiskarga sa mga karton.
Sa dihang nakamatikod sa mga pulis, dali sab kining misibat sakay sa motorized bangka paingon sa Island Garden City of Samal ug nahibilin ang mga karton nga ilang gidiskarga.
Anaa na sa kustodiya sa Bunawan Police Station ang mga smuggled cigarettes diin padayon ang gihimong imbestigasyon sa hitabo. (Uban sa taho ni Cheche Diabordo, KAMM Media Network)