NAMAHAYAG ang usa ka opisyal gikan sa City Agriculturist Office (Cagro) nga ang kadaut sa El Niño phenomenon sa mga pananum sa Davao miabot na sa P5 million, base sa datos nga giluwat Miyerkules, Abril 17, 2024.
Si Edgardo Haspe, pangu sa Cagro, atol sa ISpeak media forum, Huwebes, Abril 18, nga sa datus sa City Mayor’s Office, ang kadaut milansang na sa P5,069,080. Sa maong pigura, P3,781,375 ang kadaut sa mais, samtang P957,600 sa High Value Crops Development Program (HVCDP), ug P330,105 sa bugas.
Itandi sa 2023, diin walay natala nga kadaut sa mga pananum sa siyudad, suma pa nga 106 ka mag-uuma ug 91.33 ektarya (sagad sa Marilog ug Tugbok District) ang apektado sa grabe kainit nga temperatura karon.
Giingong daghang mag-uuma ang misugal nga mananum human miuwan sa uwahing bahin sa Marso 2024, apan nangadaut ra sab kini kay migrabe ang kainit.
“That’s why daghan nisugal atu nga time unya nikusog man ang init ni-intense man ang init so wala ni survive." (RGP)