NAKATALA na sab og laing kalampusan ang Police Regional Office sa Davao Region (PRO 11) sa padayon nga away batok sa illegal nga druga ug pagka-aresto sa mga tigpayuhot niini sa pagdumala ni Regional Director, Police Brigadier General Leon Victor Z. Rosete.
Ang way puas nga kampanya sa PRO 11 batok sa ilegal nga druga gikan Hunyo 2 hangtud 8, 2025, nimugna og kinatibuk-ang 51 ka police operations, uban ang pagkasakmit sa P8,155,913.16 kantidad sa ilegal nga substansiya, nga naglangkob sa shabu ug marijuana.
Ang maong operasyon niresulta sab sa pagkaaresto sa 17 ka High-Value Individuals (HVIs) ug 43 ka Street-Level Individuals (SLTs), nga nagpakita sa gipahugtan nga operasyon sa PRO 11 sa illegal nga drug trade sa tanang lebel.
Ang way paglubad nga komitment nakaangkla sa estratihikong direksiyon ni PNP Chief General Nicolas D. Torre III, kansang liderato nagpahimug-at sa kinatibuk-ang estratihiya sa pagkombati sa drug-related crimes sa tibuok nasud.
Dugang pa niini, gidayeg ni Rosete ang dedikasyon ug propesyonalismo sa nag-operate nga PNP units ug uban pang law enforcement agencies, tungod sa ilang paningkamot alang sa drug-free region. (WGM)