P97K giuli; wala nay kaso nga ipasaka

P97K giuli; wala nay kaso nga ipasaka
(Hulagway iya sa News Fort)

HUMAN manawagan sa social media, inubanan sa tabang sa mga netizens nga mi-share sa nag-viral nga video, nauli na ang bag nga giingong gikuha sa usa ka babaye ug lalaki diha sa usa ka kan-anan sa Jose P. Laurel Avenue, (Bajada) Davao City.

Apan sukwahi sa giingong P100K ang kuwarta, anaa na lang kini sa P97K ang nauli.

Sa post sa News Fort Facebook page, giingong Lunes sa buntag, Hunyo 3, 2024, nagkaatubang ang mibitbit sa bag ug tag-iya niini aron iuli ang gamit.

Saysay sa nakapunit nga wala sila masayod nga kuwarta diay ang sulod sa bag, diin sa balay na nila nakita ang sulod niini, mao nga gideposito nila sa bangko.

Dugang pa ni Police Major Marvin Hugos, ang station commander sa Bajada Police Station, nga dili na sab interesado ang nanag-iya sa bag nga mokaso ngadto sa nakapunit sa bag.

Kahinumdoman nga ang bag nawala niadtong Hunyo 1, ug napunitan kini sa babaye nga naka-orange ang t-shirt uban ang usa ka lalaki nga naka-kalo.

Apan nakuhaan sila sa closed-circuit television (CCTV) camera sa mall, hinungdan nga dali silang gipang-ila sa awtoridad. (JPC/RGV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph