NAGPAHIMANGNO ang Philippine Atmospheric, Geophysical, and Astronomical Services Administration (Pagasa) nga posibleng makasinati og pagbaha ang pipila ka bahin sa Bansamoro Autonomous Region in Muslim Mindanao (Barmm) sa mga mosunod nga adlaw.
Partikular nga ig-on sa baha ang mga probinsiya sa Maguindanao ug Lanao del Sur.
Sa usa ka advisory, ang state weather bureau miingon nga ang mosunod nga mga lugar mahimong bahaon nga mao ang mga lungsod nga duol sa Liguasan Marsh, lakip na ang Dalican, Allah River, Buluan River, Matuber River ug Lower M'lang River.
Lakip ang mga suba sa Lanao del Sur, ilabi na sa Dapao ug Matling.
Gitambagan ang tanan nga mangandam, mag-amping, mag-igmat sa kaugalingon ug mohikling dayon kung taas na ang lebel sa baha.
Nangandam na sab ang matag lokal nga panggamhanan (LGU) sa mga dapit nga gikataho nga makasinati sa pagbaha ug posibleng dunay mga pagdahili sa yuta.
Giklaro sa Pagasa nga adunay cloud cluster gawas sa Philippine Area of Responsibility nga mahimong dakong hulga sa lakat sa panahon sa mosunod nga mga adlaw.