Pagbugha sa ex-mayor giimbestigahan

Pagbugha sa ex-mayor giimbestigahan
Hulagway gikan ni Charles Yuri Cabrera ug sa Davao City Police Office

USA ka lawom nga imbestigasyon ang gihimo karon sa Bajada Police Station sa pagpusil-patay sa kanhi mayor sa Cateel Davao Oriental nga si Giselo Velasco Castillones.

Si Castillones gipusil uban sa iyang drayber ug laing usa pa ka babaye alas 10:30 kagahapon sa buntag, Miyerkules, Nobyembre 22, 2023, sa Km. 5 (duol sa San Pedro Village), Buhangin, Davao City.

Nag-trending sa social media ang video sa usa ka netizen nga unang nakakuha og video sa hitabo, diin makita nga nabulit sa dugo ang drayber nga si Junie Castro nga dunay igo sa liog ug abaga.

Ang drayber nagping-it sa mga samad kinsa buot pa niining mogawas sa driver’s seat samtang ang kanhi mayor wala na kini panimuot kinsa nakahiagom og mga pinusilan sa lawas.

Ang Davao City Police Office (DCPO) nagbutyag sab pinaagi sa sketchy report sa Bajada PNP nga dunay babaye nga si Alma Manliguez Lozentes, 57-anyos, negusyante, residente sa Barangay San Rafael, Cateel, Davao Oriental ang sakay sa sakyanan kinsa wala gikabutyag kung nasamdan ba kini.

Usa ka Mitsubishi Expander color gray dunay plate number Y17884 ang gisakyan sa mga nahisgutan nga namahaw sa usa ka food chain sa Buhangin, Davao City.

Pagsulod nila sa sakyanan, gilayong miabot ang usa ka mamumuno sakay sa motorsiklo ug namusil upat ka higayon.

Wala pa’y gikatumbok nga responsable ang kapulisan, ug wala pa sab na-establisar ang motibo sa krimen.

Si Castillones nagsilbi nga mayor sa Cateel gikan tuig 1983 hangtud 1986, kinsa napili nga Vice Mayor niadtong 1982 kinsa nanguna sa pag-release sa pundo alang sa pagpalambo sa electric light system sa Cateel sa maong mga katuigan.

Padayon pa ang gihimong imbestigasyon sa kapulisan sa maong krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph