Pagdunggab-patay sa babaye gitutukan sa kapulisan
Contributed photo

Pagdunggab-patay sa babaye gitutukan sa kapulisan

KAPULISAN sa Siyudad sa Davao nagpadayon sa ilang imbestigasyon labot sa pagdunggab-patay sa usa ka babaye diha sa may Quimpo Boulevard ning Siyudad sa Davao, Dominggo sa gabii, Marso 31, 2024.

Alas 7:35 sa gabii, nakadawat og report ang Central 911 s sa nahitabong pagpanunggab gawas sa LCI Bus Garage, sa Quimpo Boulevard, Davao City.

Sa pagsubay sa kapulisan, naabtan ang biktimang si Cinderela Rosales, 22 anyos, minyo nga wa nay kinabuhi ug naligo na sa iyang kaugalingong dugo.

Ang biktima taga Purok Maharlika Cuambugan, Tagum City anaa sa dapit samtang naghuwat sa banang nagpalit og tambal.

Dugang sa testigo nga nakita pa niya ang biktima nga nagbarog dihang may miduol nga duha ka lalaki, ug nakita na lamang niyang nahagba kini sa yuta.

Ang duha ka lalaki suma pa dali nga mibiya human sa hitabo.

Ang bana nakurat na lang dihang sa iyang pag-abot gitapuk-an na iyang asawa nga wa nay kinabuhi.

Kapulisan mihimo na sa halapad nga imbestigayson sa pagsubay ug ila sa mga suspek sa krimen. (RGV)

Related Stories

No stories found.
SunStar Publishing Inc.
www.sunstar.com.ph