GIINGONG gisiyagitan ug gisamok ang mga volunteers sa Kabataan Partylist sa usa ka indibiduwal samtang nihimo og balay-balay nga kampanya sa Matina Aplaya niadtong Miyerkules, Abril 23, 2025.
Ang lalaki nakita nga naggisi-gisi sa pulyito (fliers) nga gipanghatag sa partylist members ug gisiyagitan ang mga volunteers.
Sa pahayag nga gipagawas sa maong adlaw, gikondena sa Kabataan Partylist–Southern Mindanao ang "red-tagging and verbal harassment" nga gihimo sa ilang volunteers sa kampanya.
“Kabataan Partylist Southern Mindanao condemns this blatant attack and red-tagging against the youth. Clearly, this is a violation on the COMELEC Resolution 11116 Section 2, which explicitly prohibits acts of vilification, labeling, or guilt by association, as grounded in the Supreme Court’s ruling in Deduro v. Vinoya.,” matud sa grupo.
Dugang pa nila nga ang pagpangharas nga nasinati sa ilang volunteers pamatuod kung paunsa nagbutang sa peligro sa kinabuhi ang "red-tagging."
Ilang giangkon nga ang "culture of red-tagging" nagpadayon nga nikusog ug nahitabo sa administrasyon ni Marcos ug Duterte.
Dugang sa grupo nga kung ang indibiduwal buot nga masabtan ang kamatuoran, mas maayo nga naminaw sa esplikar sa volunteers kung giunsa sa partylist pagduso sa mga balaod sama sa "Free College Education Law, SK Empowerment and Compensation Law, Free Public Wi-Fi Law, and Free College Entrance Examination Law", lakip na ang ilang adbokasiya alang sa pagpataas sa pundo sa edukasyon ug batakang sosyal nga mga serbisyo.
Lantaran ang Kabataan Partylist nga nanawagan sa pagwagtang sa "confidential funds, alternative budget priorities, environmental justice," abolisyon sa National Task Force to End Local Communist Armed Conflict (NTF-ELCAC), ug pagtapos sa "red-tagging."
Tungod niini, nanawagan ang maong partylist ngadto sa kabataan “stand their ground, fight back, and continue the militant Filipino spirit,” ug nagpahimug-at sa kaimportante sa representasyon sa kabataan sa Kongreso aron iduso ang "youth and people's agenda."
Sa samang higayon, gikondena sab sa Anakbayan–Southern Mindanao ang pagpangatake sa aktibista ug ang "red-tagging" sa mga progresibong grupo. Gikanayon sa organisasyon nga ang insidente nagpakita sa “orchestrated propaganda campaign” nga nagpunting sa progresibong kalihukan.
“The continued use of red-tagging as a tool of intimidation reveals the active suppression of individuals advancing national democracy. Such tactics must never be normalized, as they stifle critical thinking and sow fear within communities. These actions are unacceptable and constitute a grave threat to the life, liberty, and security of individuals,” matud sa grupo.
Gitin-aw sab sa Anakbayan ang dinalian nga pagwagtang sa NTF-ELCAC nga nagpakatag og way basehan nga "black propaganda, red-tagging", ug naghatag og peligro sa kinabihi sa mga Pilipino. (Rojean Grace G. Patumbon)