PORMAL nang milingkod isip regional executive director (RED) sa Department of Agriculture (DA)-Soccsksargen si Roberto Perales.
Gisaad ni Perales nga ang DA-Soccsksargen mohatag og serbisyo ug mopatuman sa mga programa alang sa mga mag-uuma sa rehiyon.
Apil na niini ang pagpalit sa produkto sa mga mag-uuma sa mas taas nga presyo.
Si Perales maoy mihulip kang kanhi officer-in-charge (OIC)/RED John Pascual, kinsa midasig sa mga kawani sa DA-Soccsksargen sa pagsuporta sa bag-ong administrasyon, pagpatuman sa mga programa alang sa mga mag-uuma ug mananagat sa rehiyon.
Si Pascual ang gitudlo nga bag-ong OIC-regional technical director for operations sa ahensiya.
Nanghinaut ang mga LGUs sa Soccsksargen nga sa paglingkod ni Perales mas mulambo pa ang mga aspeto sa agrikultura sa dapit. (Edgardo E. Fuerzas)