Pagrampa, mabulukong kultura ug kaanyag sa Mindanao

Pagrampa, mabulukong kultura ug kaanyag sa Mindanao
Hulagway iya sa Miss Universe Philippines

KAPIN 50 ka mga kandidata sa Miss Universe Philippines (MUPH) 2024 ang miabot sa Isulan, Sultan Kudarat, Miyerkules, Abril 24, 2024, alang sa ilang upat ka adlaw nga aktibidad sa dapit.

Sa unang higayon sa pageant history, giingong usa ka big event sa kompetisyon ang himuon sa Mindanao, diin kini ang national costume competition, Dominggo sa gabii.

Himuon sab ang runway challenge sa Sultan Kudarat.

Gipadayag sab ni MUPH President Jonas Gaffud nga ma-highlight ang mga maanindot nga lugar sa probinsiya sa opening video atol sa coronation night.

Una nang namahayag si MUPH National Director Shamcey Lee sa usa ka press briefing nga buot nilang mapakita ang lainlaing kaanyag sa nasud, sama na lamang sa Mindanao.

Tumong sa pagbitbit sa mga kandidata sa Sultan Kudarat dili lamang ipakita ang abundang kultura sa dapit, apan ang pagwala sa negatibong impresyon labot Mindanao.

Karong Abril 27, ang lokal nga gobyerno sa Sultan Kudarat nagdasig sa tanan nga mosaksi sa Grand Float Parade sa mga kandidata gikan Tacurong City Hall ngadto Isulan alas 7 sa buntag.

Pagkagabii, morampa sab ang mga kandidata sa Inaul Fashion Show sa Provincial Capitol Front Grounds sa alas 7.

Samtang daghan na ang naghinam-hinam sa National Costume Competition karong Dominggo, Abril 28 sa Sultan Kudarat Gymnasium and Cultural Center.

Lauman suma pa ang maanindot nga creations sa mga local designers, labaw na ang colorful ug maanindot nga presentasyon.

Ang coronation night sa Miss Universe Philippines 2024 himuon sa SM Mall of Asia Arena sa Bay City, Pasay, Metro Manila, karong May 22, 2024.

Dinhi ipasa na ni Miss Philippines Universe 2023 Michelle Daniela Dee ang korona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph