GIPALIG-ON pa ang paningkamot sa Inter-Agency Council Against Trafficking (IACAT) Region XI sa pagsumpo sa "human trafficking" (Tip) ug online sexual abuse and exploitation of children (OSAEC) pinaagi sa pagpakig-alayon uban ang mga tulunghaan sa pagpatuman sa serye sa information and education campaigns.
Kini nga mga inisyatibo gitumong sa pagpataas sa kaamgohan sa mga ginikanan ug school counselors, pagpagahum kanila uban ang kahibalo ug estratihiya sa pagtabang nga mabantayan ang kabataan gikan sa pagpahimulos.
Si Atty. Janet Grace B. Dalisay-Fabrero, Regional Prosecutor/IACAT XI Network Chairperson, nagsulti nga ang paningkamot gitumong sa pagmentinar sa Tier 1 status sa rehiyon, nga nahuptan sulod sa siyam ka sagunson nga katuigan.
Niadtong Hunyo 2024, ang Department of Justice (DOJ) pormal nga nag-ila sa Pilipinas isip Tier 1 nga nasud, nagkompirma nga natuman ang minimum standards sa pagdispatsar sa "human trafficking".
Gipahimug-atan ni Fabrero ang panginahanglan sa pagpakiglambigit sa mga ginikanan sa grassroots level, tungod sa "disturbing trend": mga recruiters naila na kaayo nga namiktima pinaagi sa koneksiyon sa pamilya inay sa di mga kaila.
“Ang trend ngayon is hindi na masyado stranger yung mga recruiter kung hindi related sa victim.”
Aron suportahan ang paningkamot, nakig-alayon ang IACAT XI uban ang Department of Education ug pribadong mga institusyon aron bansayon ang school counselors, ang first online support alang sa kabataan nga nagproblema.
Nihangyo ang ahensiya og panahon sa school programs nga isabwag ang kritikalnga impormasyon sa TIP ug OSAEC, ug mga plano nga paabagon ang Parent-Teacher Associations atol sa ilang tinuig nga konsultasyon aron nga malugwayan pa ang pagkab-ot.
“We have been conducting a lot of Information Dissemination in different schools, not only in Public Schools but also in private schools. We usually write to the institution and request ample time for us to disseminate [information], particularly about OSAEC and Tip,” pagtin-aw niya.
“We realize that this could be efficiently and effectively implemented if we tap the Parents Teachers Association, particularly in public schools, because every year they do the general consultation where parents are required to attend,” dugang pa niya.
Si Gladys A. Credo, lead secretary sa Inter-Agency Council on Violence Against Women and their Children sa Department of Social Welfare and Development, Davao, nagpahimug-at sa Recovery and Reintegration Program for Trafficked Persons (RRPTP) sa ahensiya.
Ang programa naghanyag og "psychosocial counseling, educational assistance, transportation for return to home provinces, temporary shelter, and livelihood training to help survivors rebuild their lives".
Matud pa niya nga mga molupyo kinsa dunay gidudahan nga kalihukang "trafficking" gidasig sa pagtaho ngadto sa lokal nga awtoridad o sa City Social Welfare and Development Office (CSWDO), o tawag sa IACAT hotline sa 0966-711-0356. (PR)