Pagtodas sa mananagat giingong atraso motibo
Pinaambit nga hulagway

Pagtodas sa mananagat giingong atraso motibo

ATRASO ang gilantaw sa mga awtoridad nga motibo sa pagpusil patay sa mananagat alas 3:45 sa hapon, Miyerkules, Hunyo 19, 2024, sa General Santos City.

Giila ang biktima ngasi Luciano Inpanto Caligid, 56-anyos, minyo, ug nagpuyo sa Purok Balunto, Barangay Labangal, General Santos City.

Sumala kang General Santos City Police Office (GSCPO) Director Colonel Nicomedes Olaivar Jr. nga nagtindog ang biktima sa unahan sa iyang balay sa dihang kalit nibutho ang usa ka wala mailhing tawo ug nagpusil kaniya.

Patay gilayon ang biktima human maigo sa ulo ug likod sa lawas samtang mamumuno niikyas sakay og motorsiklo nga gimaneho sa kauban niini nga naghulat daplin sa kalsada.

Giingong una pa gipatay ang biktima, duna kini nakaaway sa ilang dapit nga posibleng dunay kalabutan sa iyang kamatayon.

Hinuon, kapulisan sa GSCPO padayon pang naglusad og imbestigasyon aron masuta ang tinuod nga utok sa pagpatay kaniya. (Edgar E. Fuerzas)

SunStar Publishing Inc.
www.sunstar.com.ph