BLANGKO pa sa kasamtangan ang Panabo Police Station sa matudlong mga responsable sa pag-itsa og granada sa usa ka elf diin asa usa ang patay ug dunay samaron sa hitabo.
Biyernes, Abril 26, 2024 wala pa nakahatag og kalamboan sa imbestigasyon ang Panabo police sanglit nagpadayon pa ang ilang lawom nga imbestigasyon sa hitabo.
Nasayran sa miaging adlaw, asawa sa barangay kapitan sa Barangay New Opon, Magsaysay, Davao del Sur ang babaye nga namatay alas 6 sa gabii, Miyerkules, Abril 24, 2024 sa Purok Pantukan 1, Barangay Jose P. Laurel, Panabo City.
Giila sa Panabo police ang biktima nga si Loreta Saga Abapo, 56, taga Purok 2, Barangay New Opon, Magsaysay.
Nasayran nga ang biktima nakaangkon og daghan ug grabe nga samad sa kalawasan human niini nasalo ang granada nga giitsa ngadto kanila.
Nadala pa ang biktima sa Carmen District Hospital apan wa na matabang pa ug namatay.
Samtang ang anak sa biktima nga nga si Yushehito Abapo nga maoy driver sa truck, samdan sab ug nagpabiling anaa sa ospital.
Sa hitabo, wala giwala sa kapulisan sa Panabo ang personal nga motibo sa kremin diin usa-usa pa nilang gipangtigom ang mga butang nga makatabang ilang imbestigasyon. (Jeepy P. Compio)