Pickup nawad-a'g preno; 3 angol

Pickup nawad-a'g preno; 3 angol
Pinaambit nga hulagway ni Sha Hanie Madidis

LUWAS na sa makuyaw nga kahimtang ang tulo ka mga tawo nga naangol human nawad-an og preno ang gisakyan nga Toyota D4D pickup ug nilahos og bangga sa balay daplin sa dalan alas 4:30 sa hapon, Martes, Marso 12, 2024, sa Sultan Kudarat, Maguindanao del Norte.

Mga naangol nga giingong pulos taga siyudad sa Cotabato daling gihatud ngadto sa Cotabato Regional Medical Center (CRMC) sa dakbayan sa Cotabato pinaagi sa ambulance sa lokal nga panggamhanan sa Sultan Kudarat.

Gikanayon ni Maguindanao del Norte Police Provincial Office Director Colonel Salman Sapal nga atol sa aksidente, gidaro sa pickup ang balay kilid sa national highway sa Barangay Crossing Simuay, Sultan Kudarat sa maong probinsiya.

Gikanayon sa drayber sa pickup nga kalit lang nga wala nipaak ang preno niini ug diretso nga nabangga sa balay daplin sa kalsada.

Apan dunay nagtuo nga nag-overshoot ang pickup tungod sa kapaspas sa dagan niini.

Hinuon giingong nagkasabot na ang nakabangga ug ang nagub-an og balay nga maghusay na lang sila pinaagi sa pagbayad sa damyos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph