ANG kampanya sa police visibility nakatabang sa Police Regional Office sa Davao Region (PRO-11) sa pagpalig-on sa "three-minute response time".
Ang "three-minute response time rule" unang giimplementar niadtong 2024 sa bag-ong gipahimutang nga director general sa Philippine National Police, Major General Nicolas Torre atol sa iyang pagkahimong director sa PRO-11. Ang sumbanan nagmando sa mga pulis nga motubag sa mga tawag nga magpatabang sulod lang sa tulo ka minutos, sugdan og ihap gikan sa higayon nga ilang madawat ang tawag alang pagpangayo og tabang.
Malampuson nga napatuman ni Torre ang 3-minute rule sa Quezon City atol sa iyang paghimong police district director.
Ubos sa kasamtangan nga pagbantay ni Brig. Gen. Leon Victor Rosete, ang PRO-11 padayon nga nagsunod niini nga sumbanan ug nasustiner ang police visibility aron sa pagpalig-on sa maong kamandoan.
“If the police are not on the streets how can they follow the three-minute response time rule,” matud ni PRO-11 spokesperson Police Major Catherine Dela Ray.
“Pag relay sa radio ang report, naka-deploy na ang police sa kadalanan so dali na lang sila makaabot compared kung gikan pa sa sa police station,” pagtin-aw ni Dela Ray.
Tug-an sab niya nga kanunay sab nilang gipahigayon ang simulation exercises aron nga mamentinar ang standards sa three-minute rule.
Dugang pa niya nga ang PRO-11 nag-implementar sab sa foot patrols, bike patrols, ug mobile patrols ug ang bag-ong mando ni President Ferdinand R. Marcos Jr. alang sa mga pulis nga makita ug mabati sa publiko, nagpakusog sa kasamtangan nga paningkamot sa PRO-11 nga police visibility.
“The focus of our regional director (Police Brig. General Leon Victor Rosete) is crime prevention, the public can see the police and feel their presence in the communities,” puno pa ni Dela Ray.
Tungod sa gipalig-on nga presensiya sa pulis, gisulti ni Dela Ray nga mga personahe nga naa nagtrabaho sa buhatan sa PRO-11 ipuli sab alang sa street patrol nga trabaho.
Alang sa Davao City Police Office (DCPO), ang gipalig-on nga police visibility niresulta sa pagkubos sa mga kaso nga nahulog ubos sa walo ka gitutukan nga krimen (murder, homicide, physical injury, rape, theft, robbery, car theft, ug motorcycle theft).
“So far per reporting namin sa eight focus crimes baba na ang cases and in a week meron tayong two to three days na negative ang eight focus crimes natin,” pasabot ni DCPO spokesperson police Captain Hazel Tuazon.
“Having police in the area has a big impact, criminals will have second thoughts in committing a crime,” puno pa niya.
Gikanayon ni Tuazon nga ang DCPO nagpalambo sa police visibility pinaagi sa pagdugang og police stations. Ilang ablihan ang ika-20 nga police station nga nahimutang sa Torres Street nga magkober sa unom ka daghang populasyon nga mga barangay sa Davao City proper. (PIA/RGA)