NAKIGPULONG Si Koronadal City Mayor Eliordo Ogena kang Department of Trade and Industry (DTI) Halal Industry Development Program Manager Aleem Siddiqui.
Matud ni Ogena nga ilang gituki ang mga proyekto nga makapalambo sa Halal Industry sa dakbayan.
Gidugang sa mayor nga dako og ikatabang ang maong industriya sa Micro, Small and Medium Enterprises (MSMEs) sa Koronadal City.
Nagtuo si Ogena nga sa tabang sa DTI, ang Koronadal mailhan usab nga labing Halal-friendly nga trade ug investment hub sa Mindanao.
Sa pagkakaron, ang DTI naningkamot aron dunay access sa halal nga sertipikasyon ug Islamic financing alang sa mga MSMEs sa halal nga industriya.
Giklaro ni Siddique, ang halal seal mahinungdanon alang sa pagpamaligya sa mga produkto nga halal.
Gidugang ni Siddique nga ang halal industry maoy gikinahanglan sa mga nasud sa East Asia ug Pacific lakip na sa Middle East ug North Africa region.