PUJ driver nitahan sa pulis

PUJ driver nitahan sa pulis
Buhangin Police Station

DRAYBER sa Public Utility Jeepney (PUJ) nga giingong usa sa hinungdan sa aksidente atubangan sa Davao International Airport, Hunyo 25, 2024 mitahan na sa Buhangin Police Station.

Suma sa Buhangin PNP, ang PUJ driver nakalapas sa traffic laws ug giisyuhan kini og citation ticket.

Samtang ang babayeng mitabok sab gikustodiya na sa kapulisan ug gikasohan og Reckless Imprudence Resulting To Multiple Homicide diin nipiyansa kagahapong adlawa, Hunyo 27, 2024.

Kahinumdoman nga naukay ang mga motorista niadtong Hunyo 25, 2024 sa hapon atubangan sa Davao International Airport human makita ang drayber ug pahinante sa trak nga naipit ug natusok sa karga nilang bakal.

Kini human mikalas gikan sa pagkatali ang mga bakal kay mikalit og brake ang drayber aron di maligsan ang mitabok sa dalan nga babaye bisan og naka-go na ang traffic lights.

Mga biktima giilang sila Nestor Dela Cruz Doronio, 56-anyos, taga New Ilocos, Magsaysay, Davao del Sur ug pahinante nga si KR Salem Rason Able, 24-anyos, taga Km. 82 Marber, Bansalan, Davao del Sur.

Sa inisyal nga imbestigasyon, subay sab sa mga nakasaksi, nga samtang nagdagan ang trak gikan sa North bound paingon sa South, pag-abot sa maong lugar kalit may mitabok nga babaye nga base sa pagsusi sa kapulisan nailhan kining si alyas Eva, 32-anyos, Airport Security Assistant ug taga Brgy. Sasa, Davao City. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph