Pulis nga mag-cellphone atol sa duty sitahon

Pulis nga mag-cellphone atol sa duty sitahon
(Pixabay Photo)

COTABATO CITY -- Gipahimangnoan sa pamunuan sa Philippine National Police (PNP) ang tanang pulis sulod ug gawas sa Bangsamoro Autonomous Region in Muslim Mindanao (BARMM) nga dili mogamit og cellphone samtang nag-duty.

Kini ang gibutyag ni PNP Integrity Monitoring and Enforcement Group o IMEG Mindanao Field Unit Acting Chief Lieutenant Colonel Aldrin Abila.

Matod ni Abila, usa kini sa mga mando sa bag-ong PNP chief nga si General Rommel Francisco Marbil.

Sumala ni Abila nga usa ang PNP-IMEG sa nagpahigayon og monitoring kalabot sa mga pulis nga naggamit og cellphone samtang nag-duty.

Bisan kinsa nga pulis nga mamatud-an nga makalapas niini nga mando mag-atubang og kasong administratibo.

Unang niingon si Marbil, nga iyang ipasiugda ang “smart policing” diin pinaagi niini masiguro ang kalidad sa serbisyo ug madugangan ang pagsalig sa mga lungsuranon sa PNP.

Giklaro ni Abila, gawas sa paggamit og cellphone, ang tanang pulis nga nalambigit sa ilegal nga kalihokan manubag sa balaod.

Nanawagan siya sa publiko, kung adunay reklamo batok sa kapulisan mahimong mokontak sa ilang linya 09190917147 o 09171560676. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph