Pulis, wala pa'y suspek sa nagpatay sa babaye

Pulis, wala pa'y suspek sa nagpatay sa babaye
Antipas Municipal Police Station

BLANGKO pa ang mga awtoridad sa motibo sa pagpusil patay sa negusyanteng babaye alas 4:55 sa hapon, Huwebes, Mayo 23, 2024, sa Antipas, probinsiya sa Cotabato.

Giila ang biktima nga si Jonna Agohayon Espartero, minyo, tag-iya sa Ginjo Plumbing Hardware & Electrical Supply, ug nagpuyo sa Brgy. B. Cadungon, Antipas, Cotabato Province.

Sumala ni Cotabato Police Provincial Office Director Colonel Gilberto Tuzon nga duha ka wala mailhing tawo nga nagpakaaron-ingnon nga kostumer nisulod sa hardware, dungan sa pagpusil sa biktima gamit ang kalibre .45 nga pistola ug niikyas gilayon sakay sa motorsiklo nga way plaka.

Patay gilayon ang biktima nga nakaangkon og samad pinusilan sa ulo ug dughan.

Daghan ang nagtuo nga posibleng selos sa negusyo o personal nga atraso ang motibo sa pagpatay sa negusyante.

Kapulisan sa Antipas Municipal Police Station padayon pang nag-ila sa mga suspek sa hitabo. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph