Riding in tandem napatyan, 3 angol

(Cotabato City Police Office)
(Cotabato City Police Office)
Published on

COTABATO CITY -- Tigbak ang usa sa mga riding in tandem suspects samtang naangol ang iyang kauban sa nahitabong pinusilay tali sa mga awtoridad alas 7:35 sa gabii, Miyerkules, Hunyo 18, 2025, sa siyudad.

Giila ang namatay nga suspek nga si Ampar Salipudin samtang ang naangol mao ang drayber sa motorsiklo nga si Homidie Saptula Salipudin.

Samtang samaron sab ang duha ka miyembro sa barangay tanod nga sila Abdulhaq Umal ug Niño Limare Galimba.

Gibutyag ni Cotabato City Police Office (CCPO) Director, Police Colonel Jibin Bongcayao nga naglingkod ang duha ka tanod duol sa ilang outpost sa Doña Pilar Street, Barangay Poblacion 4 sa dakbayan.

Apan kalit lang giduol sa riding in tamdem suspects ug gipamusil ang mga tanod gamit ang kalibre .45 nga pistola.

Abtik nga nisibat ang mga suspek apan nasugatan sila sa mga nagresponde nga mga sakop sa Philippine Marines nga nakadungog sa buto-buto sa armas.

Inay nga mosurender, mga suspek nisukol sa mga sundalo hinungdan nga napatay ang angkas sa motorsiklo ug naangol ang drayber.

Padayong gisuta sa kapulisan kung sakop ba sa organisado nga grupo ang mga suspek nga riding in tandem. (Edgar E. Fuerzas)

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph