
GIMANDOAN si First District Councilor Rodrigo "Rigo" Duterte II nga mahimong acting vice mayor ug namuno sa unang regular session sa ika-21st City Council, Martes, Hulyo, 1, 2025, sa Sangguniang Panlungsod sa Davao City.
Gikanayon ni Rigo sa iyang pagpamulong nga garbo niya nga napili isip konsehal ug iyang gidawat ang responsablidad, pagsalig, ug ekspektasyon sa katawhan nga gitahas kaniya.
"The road ahead may not always be smooth, but with the cooperation of the City Council and the unwavering support of our fellow Dabawenyos, I am confident we can continue building a promising future for Davao City," pahayag niya.
Dugang pa niya nga matag usa kinahanglan nga mobarog nga naghiusa sa saad alang sa pag-uswag, transparensiya, ug kausbawan sa tanang Dabawenyos. Iya sab nga gipadayag nga samtang nagtigum ang katawhan sa sesyon, iyang nahinumdoman ang abunda nga kasaysayan ug diwa nga naghulagway sa Davao.
"We are people of strength, resilience, and unity, and it is these qualities that have propelled us forward through challenges and successes alike," dugang pa niya.
Sayo niini, gitudlo ni Department of Interior and Local Government (DILG) through Secretary Jonvic Remulla ang unang konsehal sa Sanguniang Panlungsod, Rigo, isip acting vice mayor subay sa Administrative Order No. 15 series of 2018, nga nagbungat sa mga sumbanan sa temporaryong sudlan ang mga bakante sa local elective nga mga buhatan.
"The DILG underscores that the action is both legal and necessary to ensure continuity of leadership in Davao City amid ongoing legal proceedings involving the former president before the International Criminal Court (ICC)," sulat sa DILG sa ilang Facebook post.
Si Rigo giproklamar nga nanguna nga konsehal sa tanang tulo ka mga distrito uban ang 119,324 boto atol sa 2025 National and Local Elections (NLE).
Si Vice Mayor Sebastian "Baste" Duterte gimandoan sab sa DILG nga mamahimong acting mayor human ang temporaryong "legal incapacity" ni kanhi President Rodrigo Duterte, kinsa giproklamar isip mayor-elect niadtong Marso 13, 2025.
Gidala si Rodrigo ngadto sa Hague sa Netherlands tungod sa giingong crimes against humanity atol sa iyang pagka-presidente. (Rojean Grace G. Patumbon)