Sagunsong brownout hinungdan sa sunog

GIINGONG human sa sagunsong brownout gilayong misilaob ang usa ka balay alas 11 sa buntag, Lunes, Agosto 12, 2024, sa Purok 23 Organic, Barangay Catalunan Pequeño, Davao City.

Sumala sa usa ka Berha Absalon nga giingong misilaob ang ilang balay human sa sagunsong brownout sa ilang lugar sanglit gama sa light materials ang balay, dali kining gilamoy sa kalayo.

Dali hinuon nga miabot ang Barangay Disaster Risk Reduction Management Council (BDRRMC) sa Barangay Catalunan Pequeño ug napalong ang kalayo.

Hinuon, walay gikataho nga nakabsan sa kinabuhi sa maong sunog.

Giabagan na sa Barangay Catalunan Pequeño ang apektado sa sunog samtang gisubay sa kabomberohan ang hitabo aron masuta ang tinuod nga hinungdan sa kalayo. (JPC)