Sako naglutaw sa dagat sa Glan, gikalisang

Sako naglutaw sa dagat sa Glan, gikalisang
LGU-GLAN

GENERAL SANTOS CITY — Gikatingala sa katawhan og mga awtoridad ang naglutaw nga sako sa dagat adlaw nga Lunes, Marso 18 sa probinsiya sa Sarangani.

Sumala ni Glan Chief of Police, Lieutenant Colonel Geovanni Ladeo nga nakadawat sila og taho gikan sa mga sibilyan sa naglutaw nga sako sa dagat sa Barangay Big Marcus, Glan, Sarangani Province.

Abtik nga nagresponde ang mga pulis uban sila Glan Municipal Mayor Victor James Yap Sr., Sarangani Maritime Police, Philippine Cost Guard-Glan ug Philippine Drug Enforcement Agency (PDEA-12).

Gisimhot sab sa K-9 dog sa PDEA-12 ang sulod sa sako. Dili pa matino kung unsang butang o substansiya ang sulod sa yellow nga sako.

Hinungdan nga ga-request ang PDEA-12 og chemist alang sa confirmatory examination purposes.

Daghan sab ang nagtuo nga ang sulod sa sako druga o kaha makahilo nga substansiya.

Gidala sa mga awtoridad  sa ilang buhatan sa Glan ang sulod sa sako alang sa dugang imbestigasyon ug dokumentasyon.

Gipasalamat sab sa LGU-Glan ang mga molupyo nga nagtaho sa kapulisan sa sako nga naglutaw sa dagat nga padayon pa nga gi-imbestigahan. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph