Sakop sa LGBTQ gipatay sa punerarya sa South Cotabato

SELOS sa negosyo ang gilantaw sa mga awtoridad nga motibo sa pagpusil-patay sa usa ka negosyante nga sakop sa lesbian, gay, bisexual, transgender, and questioning (LGBTQ) alas 12 sa udto, Lunes, Agosto 12, 2024, sa South Cotabato.

Giila ang biktima nga si alyas Pat, 30 anyos ug nagpuyo sa Purok Sampaguita, Barangay Edwards, T'boli, South Cotabato.

Sumala ni T'boli Chief of Police Lieutenant Colonel Virlen Pampolina nga naglingkod ang biktima sa iyang gipanag-iyahan nga punerarya. Apan kalit lang misulod ang duha ka wala mailhing tawo ug gipusil siya ug miikyas gilayon sakay sa motosriklo.

Samtang patay gilayon si alyas Pat nga naigo sa ulo, dughan, tiyan, ug likod.

Wala mamay-ungan sa mga trahabante sa punenarya ang namusil sa ilang agalon gumikan pulos kini naka-hermet.

Sa kasamtangan, kapulisan sa T'boli Municipal Police Station padayon nga nag-imbestigar sa hitabo. (EEF)