COTABATO CITY — Dakpan ang usa ka pulis ug sakop sa Moro Islamic Liberation Front (MILF) sa drug buy-bust operation sa mga awtoridad alas 4:30 sa hapon, Sabado, Pebrero 10 sa siyudad.
Giila ang mga suspek nga sila Police Master Sergeant Datu Halil Diocolano, nga nadestino sa Mother Kabuntalan Municipal Police Station sa Mother Kabuntalan, Maguindanao del Norte ug si alyas Kagui Darwin, miyembro sa MILF Task Force Ittihad.
Gibutyag ni Criminal Investigation and Detection Group-Bangsamoro Autonomous Region (CIDG-BAR) Regional Director Lieutenant Colonel Ariel Huesca nga nagpahigayon sila og entrapment operation sa Sousa Street Barangay Rosary Heights 1 Cotabato City batok sa mga suspek nga namaligyag og mga armas.
Atol nga gitunol na sa duruha ang mga armas nga ilang gibaligya sa usa ka Police undercover agent didto na sila gipangdakop.
Narekebor gikan sa posisyon sa mga suspek ang duha ka R4 Caliber 5.56 mm rifle, usa ka M4 carbine 5.56, Galil ace 22N caliber 5.56, Glock caliber 9mm, mga bala, magazine, cellphones, usa ka kolor pula nga SUV, ug P450,000 boodle money nga gigamit sa operasyon.
Gikanayon ni Colonel Huesca nga dugay na nilang gipanid-an si M/Sgt Diocolano nga namaligya og mga pusil.
Sa kasamtangan ang suspek gibalhog na sa custodial facility sa CIDG-BAR sa Cotabato City ug pasakaan sa kaso nga paglapas sa Section 32 sa RA 10591 o ang unlawful sale of firearms and ammunitions.