DUHA ang ang patay ug tulo ang samdan sa karambola sa duha ka sakyanan, alas 5:35 sa buntag, Huwebes, Abril 18, 2024, sa probinsiya sa South Cotabato.
Nalambigit sa aksidente ang usa ka pick-up ug fish car nga Bonggo.
Sa report gikan Municipal Disaster Risk Reduction and Management Office (MDRRMO-Tupi), nahitabo ang aksidente sa Purok 15-B, Barangay Polonuling, Tupi, South Cotabato sa national highway.
Subay sa imbestigasyon, maayo kaayong pagsampok sa pick-up ug bongo fish car nga miresulta sa kamatayon sa duha nga sila Hernando Carl Cortez ug Ralph Anthony Zabala, taga Tupi, South Cotabato nga anaa nakasakay sa pick-up.
Dugang pa nga nagsunod ang pick-up sa usa ka trailer truk nga gikan sa General Santos City, kalit kining mi-overtake ug wa mabantayi ang kasugat nga bonggo truck nga gikan sa Koronadal City.
Tungod sa kakusog sa impak sa bangga, bungkag ang atubangan nga bahin sa duha ka sakyanan.
Ang tulo nga samdan nga sakay sa Bonggo nga trak.
Nagkanayon ang mga molopuyo nga paspas ang dagan sa bonggo trak ug pick-up nga miresulta sa aksidente.
Ang imbestigasyon sa aksidente nagpadayon sa kasamtangan. (Edgardo E. Fuerzas)