Samarong sundalo gipasidunggan ni PBBM; nanguna sa aktibidad sa Central Mindanao

Samarong sundalo gipasidunggan ni PBBM; nanguna sa aktibidad sa Central Mindanao
Hulagway iya sa Presidential Communications Office

NAGMALAMPUSON ang pagduaw ni Presidente Ferdinand “Bongbong” Marcos Jr. sa Maguindanao Del Norte ug North Cotabato adlaw nga Lunes, Abril 29.

Una nga mitambong si Marcos sa graduation ceremony sa Bangsamoro Police Basic Recruit Course Batch 2023-01 Class Alpha Bravo " Bakas-Lipi" sa Municipal Gym sa Parang Maguindanao del Norte alas 8:00 sa buntag.

Gisundan kini sa pagtambong sa Presidente sa 10th Year Commemoration sa pagpirma sa Comprehensive Agreement on the Bangsamoro (CAB) sa 1st Marine Brigade sa Barangay Tugaig, Barira, Maguindanao Del Norte alas 9:30 sa buntag.

Gibisita sab ni Marcos ang mga samarong sundalo sa Camp Siongco Hospital sa Barangay Awang, Datu Odin Sinsuat, Maguindanao Del Norte, diin pito ka sundalo ang naangol sa nakalabay nga engkwentro batok Bangsamoro Islamic Freedom Fighters-Karialan faction sa Barangay Kitango, Datu Saudi Ampatuan, Maguindanao Del Sur.

Mismo ang Presidente maoy mihatag og pasidungog sa pito ka sundalo uban si 6th Infantry Division Chief ug Joint Task Force Central Commander Major General Alex Rillera.

Pag-abot alas 11:00 sa buntag, nanguna si Marcos uban si Cotabato Governor Emmylou "Lala" Taliño-Mendoza sa inagurasyon sa NIA-Malitubog-Maridagao Irrigation Project II sa Barangay Bagoinged, Pikit, Special Geographic Area sa Bangsamoro Autonomous Region in Muslim Mindanao (Barmm).

Uban sa Presidente ang iyang mga kabinite, mga local government unit officials, Barmm Chief Minister Ahod Murad Ebrahim ug uban pa.

Gipasalamatan sab sa pangulo ang katawhan sa Central Mindanao nga padayong misuporta sa iyang liderato. (Edgardo E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph