GIPLASTAR na ang tanan sa tinuig nga Sarangani Bay Festival 2024: The Ultimate Beach Party karong Mayo 24 hangtod 26, 2024.
Sa nakalabay nga Abril 15, gilagdaan ang memorandum of agreement sa Sarangani Coves Reyes Beach ug Provincial Tourism Council sa Sarangani Inc. (PTCSI) nga gipangulohan ni Jobelle Pacquiao isip presidente sa Governor's Office, JLC Bldg., Capitol Compound.
Sa napirmahan nga kasabutan, ang SarBay Fest ipahigayon sa maong beach resort sulod sa tulo ka tuig sugod karon.
Malipayon si Pacquiao tungod may permanenteng dapit sulod sa tulo ka tuig asa himuon ang SarBay Fest.
Malaumon ang opisyal nga ang selebrasyon maglig-on sa pagtambayayong sa lokal nga gobyerno sa dapit ug pribadong sektor, alang sa mas tawhay ug malampuson nga pagpahigayon niini. (Edgardo E. Fuerzas)