Sekyu gipatay tungod sa atraso?

Local News Official
Local News OfficialSunStar File Photo

ATRASO ang gilantaw sa mga awtoridad nga motibo sa pagpamusil patay sa security guard alas 7:30 sa buntag, Biyernes, Enero 26, sa probinsiya sa Cotabato.

Giila ang biktima nga si Apolinario Taniongon Apolinario, 38, minyo ug nagpuyo sa Barangay Takepan, Pikit, North Cotabato.

Gibutyag ni Pikit Chief of Police Major Arvin John Cambang nga sakay ang biktima sa iyang motorsiklo gikan sa balay niini ug paingon unta motrabaho sa Brgy Poblacion.

Apan pag abot ni Apolinario sa Barangay Batulawan, Pikit, kalit lang mitunga ang duha ka wala mailhing lalaki ug gipusil ang biktima sa likod gamit ang M16 Armalite rifle.

Sa dihang natumba na ang biktima sa gisakyan niya nga motorsiklo, gitiwasan pa kini sa mga suspek og pusil tumong sa dughan aron maseguro nga wa na kini kinabuhi.

Gidali pagtabang angbiktima sa nagresponde nga mga pulis ug gihatud ngadto sa Cruzado Medical Hospital apan gideklara siya dead on arrival samtang mga suspek dali sab dayong nakaikyas.

Imbestigasyon aron nga mailhan ang mga suspek padayon pang gihimo sa kapulisan sa Pikit Municipal Police Station.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph