Sen. Dela Rosa magsusi sa resorts sa Mt. Apo

Sen. Dela Rosa magsusi sa resorts sa Mt. Apo
(Hulagway ni Lymarc Roble)

GIPASALIG ni Senador Ronald “Bato” Dela Rosa nga iyang subayon sa Department of Environment and Natural Resources (DENR) bahin sa mga resorts duol sa "buffer zones" sa Mount Apo.

Sa pinakalit nga paghinabi uban sa mga tigbalita niadtong Biyernes sa hapon, Hunyo 28, 2024, sa SM Ecoland, gihisgutan ni Dela Rosa nga tinguha niyang susihon ang katikaran sa DENR bahin sa mga resorts nga nahimutang sa buffer zones sa pinakataas nga bukid sa Pilipinas, kay ang departamento nagkontrol sa mga kalihukan sa Mt. Apo.

“Maganda ang lugar, sayang ang lugar if mapabayaan,” sumala sa senador.

Gikanayon sa senador nga una gimugna ang balaod, daghan nang mga tawo nanimuyo sa lugar. Sulti niya nga sama kaniya, una napanday ang balaod, kanunay siyang mamaligya og isda sa lugar.

“Before nagawa ang batas na yan anadiyan na ang mga tao na yan. Like me, wala pa ang batas na yan andon na ako umaakyat, nagbebenta ng isa maliit pa ako noon,” tug-an niya.

Gisulti ni Dela Rosa anga iyang gibisita ang lugar ug nagpadayag sa iyang tinguhang personal nga imbestigahan ang maong butang, isip nagdako sa Sta. Cruz, Davao del Sur. Iyang gipahimug-atan ang kaimportante sa pakig-alayon sa gobyerno ug komunidad aron nga maseguro nga mga molupyo sa lugar di mawad-an sa ilang panginabuhian.

Si Maria Antonia Yulo-Loyzaga, DENR secretary, nagtin-aw nga ang departamento wa magtinguha nga magsira sa mga resorts ug uban pang mga establisemento nga naa na sa lugar nga way permiso. Tinguha niya nga makakita og "common ground", kay nagkomitar sila di lang ang pagprotekta sa kinaiyahan apan pagseguro sab nga di mawad-an og panginabuhian ang mga tawo nga nanarbaho niining mga establisementoha.

Samtang si Senador Raffy Tulfo, sa iyang privilege speech niadtong Marso 18, 2024, nagpasibaw sa kabalaka bahin sa mga resorts nga gihatagan og pagtugot sa Protected Area Management Board (PAMB) nga makapahimutang sa buffer zones sa Mt. Apo.

Nabalaka si Tulfo bahin sa kaayohan sa bukid, ilabi na nga gikonsidera kining nalakip sa listahan sa United Nations Educational, Scientific and Cultural Organization (UNESCO) sa mga kabiling lugar sa kalibutan. (RGP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph