NABUNTURAN, Davao de Oro -- Sa usa ka gabii nga puno sa paglaum ug determinasyon, gipakita sa libo-libong katawhan sa Nabunturan ang ilang tibuok suporta kang Noe “Butchoy” Taojo, ang lider nga dugay nang nag-alagad bisan walay puwesto sa gobyerno.
Sulod sa hapit upat ka dekada, si Butchoy mitabang sa katawhan pinaagi sa kaugalingong paningkamot ug bahandi.
Wala siya maghulat og katungdanan aron motabang. Ang mga estudyante nga nakatapos tungod sa iyang scholarship, mga pamilya nga nakalingkawas sa kalisud, ug mga komunidad nga nabatiran sa iyang proyekto—sila ang buhing pamatuod sa serbisyo nga walay kapalit.
“Kini ang klase sa lider nga mobarog bisan walay kamera, motabang bisan walay kondisyon,” matud pa sa usa ka residente nga mitambong sa Miting de Avance.
Ang miting nga gihimo niadtong Mayo 5, napuno sa katawhang nagpakpak, nagdala og placards, ug nanghinaut nga ang serbisyo ni Butchoy madala na sa Kongreso.
Matud sa mga sumusuporta, kung sa wala pa siya sa puwesto, daghan na ang natabangan, mas daghan pa gyud ang makinabang kon siya na ang mahimong opisyal.
Uban sa plataporma nga nakasentro sa Byaheng Kalinaw ug Panaghiusa, gisuportahan ni Butchoy sila Congressman Ruwel Peter Gonzaga nga midagan pagka-gobernador ug Governor Dorothy “Dotdot” M. Gonzaga nga naningkamot nga makadaug sa pagka-bise gobernador.
Ilang gisaad ang panaghiusa aron ipadayon ang mga programa nga tinud-anay nga nakatabang sa mga komunidad.
Gikuyogan usab siya nila Mayor My-My Clarin-Balili ug Vice Mayor Debie Tan nga gipasidunggan ang ilang pagkaaktibo sa paghatud og serbisyo sa lungsod.
Sa ilang pakig-uban, nagbarog ang kampanya isip simbolo sa “Arka ni Noe” -- usa ka panaw padulong sa usa ka mas maayong ugma para sa tanang Davaoeños.
“Kongreso nga Para sa Tao, Para sa Tanan!” maoy panawagan ni Butchoy Taojo.
Kini nga eleksiyon, ang katawhan sa Davao de Oro andam na. Andam nang mopili og lider nga tinud-anay, lig-on, ug puno sa gugma. Ang ilang mensahe klaro: #AngMaayongTao ang angay'ng moserbisyo sa Kongreso. (PR)