Shabu gipalaman sa tinapay

2 sikop; sakop sa dakong grupo sa drug trafficker
Shabu gipalaman sa tinapay
PDEA-BARMM

COTABATO CITY -  Wa na  makaipsot ang duha ka drug pusher sa mga awtoridad human madakpi atol sa gilusad nga drug buy-bust operation alas 2:45 sa hapon, Martes, Pebrero 27, 2024, sa siyudad.

Mga dinakpan giila lang nga sila alyas Norya ug alyas Ricky nga mga molupyo sa dakbayan sa Cotabato.

Sumala ni Cotabato City Police Office Director, Colonel Querubin Manalang nga nagpahigayon og anti-drug operation ang mga sakop sa Philippine Drug Enforcement Agency-Bangsamoro Autonomous Region (PDEA-BARMM) sa Notre Dame Avenue, Barangay Rosary Heights 2, Cotabato City.

Sa dihang nagpositibo ang buy-bust operation, gipangdakop gilayon ang mga suspek kon diin narekober kanila ang 100 gramos nga shabu nga nagkantidad P680,000 nga gipalaman sa tinapay aron unta di matiktikan. Narekober sab ang usa ka motorsiklo, buy-bust money ug non-drug evidence.

Gitumbok sa PDEA-BAR nga mga suspek sakop sa dakong grupo sa drug trafficker nga naglihok sa BARMM.

Mga dinakpan tingkagol na karon sa prisohan sa PDEA-BARMM ug pasakaan og kasong kalapasan sa Republic Act 9165 o Comprehensive Dangerous Drugs Act of 2002. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph