Shabu gisuksok sa pan, nasapon

Shabu gisuksok sa pan, nasapon
Hulagway gikan sa DDNPPO

DAVAO DEL NORTE —  Pakyas sa pagpalusot og ilegal nga druga sa prisohan ang usa ka mister sanglit, nasakpan kini sa mga pulis sa Tagum City Police Station.

Gibutyag nga alas 4:45 sa hapon, Marso 18, 2024 usa ka alyas ‘Joemary’ ang mibisita sa iyang higala nga usa ka priso sa Tagum City Police Station.

Nasayran nga nagdala og pan ang suspek nga gisulod sa silopin apan, sa dihang gisusi sa gwardya sa prisohan ang maong dala sa suspek nasuta nga aduna’y palaman ang usa sa mga pan og ang maong palaman usa ka dakong pakite sa gituohang shabu.

Gawas sa maong pakite, nakit-an sab ang usa ka improvised tooter sa lain sab nga pan.

Gibana-banang motimbang og duha ka gramo ang gibug-aton sa druga nga gipalaman sa pan nga gibitbit sa suspek diin kini nagkantidad og P13,600.00. 

Kasong paglapas sa Republic Act (RA) 9165 kon Comprehensive Dangerous Drugs Act of 2002 ang giandam nga kaso batok sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph