Shabu, pusil nasakmit sa buy-bust

Shabu, pusil nasakmit sa buy-bust
Hulagway gikan sa Sta. Ana Police Station

SIKOP sa kapulisan sa Bunawan Police Station ang gikonsiderang Top 4 sa drug watchlist sa Davao City nga si alyas Lebi, 25-anyos, sa gihimong drug buy-bust operation alas 2:50 Sabado sa kaadlawon, Enero 6, 2024, sa Block 3, Muslim Village, Barangay Ilang, siyudad sa Davao.

Sumala ni Police Major Jake Goles, station commander sa Bunawan PNP, nga dugay na nilang gipanid-an ang ilegal nga lihok sa suspek hinungdan nga gipailawom nila kini sa test buy.

Dihang nagpositibo, gikasa dayon ang buy-bust operation hinungdan sa pagkasikop sa nahisgutan lakip na ang laing duha pa ka kaubanan sa suspek nga giilang sila alyas Ed ug alas Tony, pulos hamtong ang pangedaron.

Mga nahisgutan napalitan sa poseur buyer ug mga pakite sa gituohang shabu ug usa ka .38 revolver nga dunay lima ka mga buhing bala.

Motimbang sa 11.72 gramos ang gituohang shabu nga mokantidad og P76,696 nga nakuha sa posisyon sa target sa operasyon.

Kasong paglapas sa Republic Act (RA) 10591 kun Illegal Possession of Firearms ug RA 9165 kun Comprehensive Dangerous Drugs Act of 2002 ang ipasaka batok sa mga suspek.

Samtang sa area of responsibility (AOR) sa Sta. Ana Police Station, usa ka binabaye ug laing usa pa nga kauban niini nadakpan sa gikasa nga buy-bust operation ala 1:03 Sabado sa kaadlawon, Enero 6, 2024, sa Purok Bagumbuhay Village, Barangay Governor Paciano Bangoy, Agdao District.

Mokantidad sa P267,444 sa gituohang shabu ang nasakmit atol sa drug buy-bust operation.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph