Sidecar gilubot; drayber patay

Sidecar gilubot; drayber patay
Hulagway iya sa Echo Cares

NALABAY nga niresulta sa kamatayon sa usa ka lalaki sa dihang nadumbol ang likod nga bahin sa gimanehong motorsiklo nga dunay sidecar sa usa sab ka SUV samtang naglabigar sa Lower Cubingon Sitio Rizal sa Barangay Astorga, Sta. Cruz, Davao del Sur, mga alas 4:05 sa hapon, Mayo 21, 2024.

Ang biktima mao si Ivan Jay Ator Nuevo, 18-anyos, single, nga taga Astoga Proper, Sta. Cruz, Davao del Sur.

Samtang ang drayber nga nakabundol kaniya mao si Gerald Natab Dapan, 30-anyos, ulitawo, taga Idong Proper, Barangay Astorga, Sta. Cruz.

Sa imbestigasyon sa awtoridad, nasayran nga nagbiyahe ang duha ka sakyanan ug nagsubay sa samang direksiyon padung sa Astorga proper.

Nag-una ang sidecar samtang nagsunod kaniya ang SUV.

Apan sa kalit lang, nipaturatoy og dagan ang SUV rason nga nadumbol niini ang likod nga bahin sa sidecar.

Sa kakusog sa impak, nalabay ang drayber sa sidecar sa fruit stand sa kilid nga niresulta sa iyang kamatayon.

Mga sakay sa SUV, diin apil dinhi ang 8-months old nga baby, gidala sa Davao del Sur Hospital, Digos City aron mahatagan og medikal nga atensiyon. (Rhona Goc-ong-Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph