Smuggled nga sigarilyo nasakote; 17 sikop

Smuggled nga sigarilyo nasakote; 17 sikop
Tampo nga hulagway

NAGHUOT sa prisuhan ang 17 ka indibidwal nga gisikop human mipalusot og mga smuggled nga sigarilyo, Sabado, Marso 30 sa Sarangani Province.

Saysay ni Lieutenant Admiral Eduardo Destiniane, OIC Boat Attack 492 sa 4th Boat Attack Division Philippine Navy ilawom sa Naval Forces Eastern Mindanao Command nga nasiplatan sa iyang mga personahe ang usa ka fishing boat sa Sarangani Straits sa Batolaki Glan Sarangani Province atol sa ilang maritime operation.

Gipahunong ug gisusi sa mga awtoridad ang karga sa fishing boat ug nakita ang sobra 1000 ka kahon sa lainlaing klase sa gipalusot nga sigarilyo.

Ang fishing boat gikan sa Tungkil Sulo ug dad-on ang sigarilyo sa Digos City.

Gikustodiya sab sa Philippine Navy ang 17 ka tawo nga sakay sa fishing boat dungan ang pag-imbestiga kanila samtang giturn-over sa Bureau of Custom ang fishing boat apil ang karga niini nga kontrabando.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph