Soccsksargen gitutokan sa NNC tungod sa taas nga kaso sa malnutrisyon

Local News Official
Local News OfficialSunStar File Photo

ANG National Nutrition Council sa Soccsksargen (NNC 12) sa pakigtambayayong sa Department of Health-Soccsksargen (DOH 12) nakigpulong sa mga sakop sa Regional Nutrition Committee sa Koronadal City.

Ilang gituki ang pagpatuman sa Philippine Multisectoral Nutrition Project kon PMNP.

Si DOH 12 nutrition officer Jessen Masukan niingon nga importante nga madeterminar ang tukmang interbensyon aron masulbad ang problema sa malnutrisyon sa target nga local government units.

Sa rehiyon, prayoridad ang pagpatuman sa PMNP sa mga LGU nga adunay labing taas nga prevalence rate sa malnourished nga mao ang Banisilan sa North Cotabato, Kiamba sa Sarangani, ug Palimbang sa Sultan Kudarat.

Ang mga nanguna nga ahensiya mihatag og update sa pagpatuman sa mga proyekto ubos sa PMNP.

Kini naglakip sa pagpalig-on sa paghatag sa nutrisyon ug primary health services sa DOH; community-based nutrition service delivery; ug multisectoral nutrition convergence sa DSWD ug institutional strengthening, monitoring, ug evaluation sa NNC.

Mihangyo ni NNC 12 Regional Nutrition Program Coordinator Retsebeth Laquihon sa ilang partner agencies ug stakeholders nga suportahan ang PMNP aron mapalambo pa ang maayong nutrisyon sa rehiyon. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph