Sundalo ug kauban girapido

Sundalo ug kauban girapido
Hulagway gikan kang Esma Sambutuan

COTABATO CITY - Grupo sa Liquidation Squad sa Bangsamoro Islamic Freedom Fighters (BIFF) ang gitudlo sa awtoridad nga maoy namusil sa sundalo ug iyang angkas ala 1:05 sa hapon, Miyerkules, Marso 13, 2024 sa probinsiya sa Maguindanao.

Giila ang mga naangol nga sila Private First Class (PFC) Roberto dela Cruz Desierto Jr., 23-anyos ug sakop sa 92nd Infantry Battalion Philippine Army.

Naigo sab ang iyang angkas nga si Eugenio Lamoste Gurang, taga Toril Davao City.

Matud ni Maguindanao Police Provincial Director Colonel Ruel Sermese nga samtang sakay ang mga biktima gikan sa kampo niini sa Datu Saudi Ampatuan Maguindanao del Sur paingon sa Toril Davao City.

Apan pag-abot nila sa Barangay Galakit Pagalungan, Maguindanao del Sur ang kalit lang kining gipamusil sa riding-in-tandem ug gipamusil gamit ang kalibre .45 nga pistola.

Abtik sab nga miikyas ang gikatuohang mga miyembro sa Liquidation Squad sa BIFF paingon sa hilit nga dapit sa Maguindanao del Sur.

Ang mga samaron ang gisapupo sa mga nagresponde nga mga sundalo ug pulis diin kini gidala sa balay-tambalanan.

Anaa sa talandugong kahimtang ang sundalo nga naka-angkon og upat ka samad pinusilan sa iyang lawas samtang luwas na si Gurang.

Sa kasamtangan ang kapulisan sa Pagalungan Maguindanao del Sur ang padayon nga nag-imbestiga kalabutan sa pagpamusil sa mga biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph