DUHA samdan sa pagpamusil sa usa ka sundalo didto sa Sitio Matol, Barangay Gupitan, Kapalong, Davao del Norte.
Mga biktima naila nga sila Felix Laurnal Lantapon, 50 anyos, minyo, mag-uuma; Diether Lagare Superable, 19 anyos, mag-uuma ug Eugene Superable, 45 anyos, minyo, mag-uuma, pulos molupyo sa dapit.
Suspek sab naila nga si Sergeant Christopher Saranillo, hamtong, sakop sa Philippine Army nga nadestino sa 60th IB, PA Dona Andrea, Asuncion.
Subay sa report nga alas 10:30 sa gabii , nahinanok na sa pagkatulog ang mga biktima sa payag ni Lantapon.
Kalit nga miabot ang sundalo, uban ang wala mailhing lalaki nga nanuktok sa payag kay nangayo og tubig.
Dihang mibangon ang mga biktima, way daghang istorya gipamusil sila sa mga suspek.
Nakahiagum og pinusilan si Superable sa lainlaing bahin sa iyang lawas ug Lantapon naigo sa sampot samtang si Eugene Superable nakahimo sa pag-eskapo.
Mga biktima dali nga gidala sa bay tambalanan aron maatiman.
Kapulisan miukoy na sa suspek ug kauban niini, dungan sa pagtugkad sa motibo sa krimen. (DTV)