BISAN sa kanunay nga pagbutang sa Red ug Yellow Alerts sa Luzon ug Visayas karong tuiga, gilauman nga ang Mindanao magpabilin nga malibre sa dagkong pagkabalda sa suplay sa kuryente sa tibuok 2025, tungod sa kanunay nga sobrang enerhiya ug malambuon nga "grid reliability," sumala sa Department of Energy-Mindanao (DOE-Mindanao).
Gitug-an ni DOE-Mindanao Senior Science Research Specialist Erick George D. Uy ngadto sa SunStar Davao sa paghinabi nga ang rehiyon wala na mag-atubang og isyu sa suplay nga kaniadto ang hinungdan mao ang halapad nga pagkabalda sa kuryente sa niaging mga katuigan.
Si Uy maoy mamumulong atol sa “Project Likas-Kaya: An Innovative Approach to Sustainable Energy” forum nga gipasiugda sa Junior Chamber International (JCI) Davao, Hunyo 19, 2025.
“Our power situation has drastically improved. The grid is stable and can handle isolated disturbances without affecting the overall operations,” pasalig ni Uy sa saksak-sinagol nga pinulongan, kon diin gitin-aw nga ang pagkabalda "isolated" ug kasagaran "environmental factors" ang hinungdan.
Gikan Enero 1 hangtud Hunyo 15, 2025, natala ang average power demand sa Mindanao sa 2,297 megawatts (MW), samtang ang available capacity niabot og 3,406 MW.
Kini maoy hinungdan nga sa isla dunay nabilin nga matag adlaw nga reserba nga 1,110 MW, layo kaayo sa threshold nga maoy makatriger og power alerts.
Niadtong Hunyo 15 lang, 389 MW nga nabilin nga kuryente ang gi-eksportar ngadto sa Visayas grid pinaagi sa Mindanao-Visayas High Voltage Direct Current (HVDC) link.
Ang lig-ong panglantaw sa kuryente nagtugot sa Mindanao nga makasuporta sa ubang mga rehiyon nga way kompormiso sa kalig-on sa iyang enerhiya.
Gitin-aw sa DOE-Mindanao nga ang maong sobra mao ang resulta sa gipalapdan nga generation capacity, diversified power sources, ug improved grid infrastructure.
Ang Mindanao karon dunay dependable capacity nga 4,020 MW ug ang nainstolar nga kapasidad nga 4,615 MW. Ang karbon nagpabilin nga tinubdan sa dominant energy sa 2,041 MW, nagmugna hangtud 50.8 porsiyento sa dependable capacity.
Ang oil-based nga mga tinubdan nakatampo sa 708 MW, o 17.6 porsiyento, samtang ang renewable energy masubay alang sa 1,271 MW o 31.6 porsiyento nga dependable supply.
Nanguna ang hydropower sa mga renewables uban ang 1,059 MW, samtang sa uban pa gikan sa solar, geothermal, ug biomass.
Gilauman sab nga ang mga bag-ong power projects makadugang og pakusog sa energy reliability sa rehiyon. Moabot sa 591.169 MW sa committed capacity nga naa sa pipeline, apil ang 270 MW gikan sa karbon, 56 MW gikan sa lana, 79.804 MW gikan sa hydropower, ug 185.365 MW gikan sa solar energy projects.
Aron palambuon pa ang "energy stability and flexibility", ang Mindanao nagpalapad pa sa iyang battery energy storage systems (ESS), uban sa sumada nga 228 MW nga gipalambo pa.
Gawas niini mao ang 20 MW Tagum BESS, operasyonal na sa Davao Region. (David Ezra Francisquete)