Suspek sa kasong lugos arestado

Suspek sa kasong lugos arestado
Hulagway gikan sa Datu Odin Sinsuat Municipal Police Station

COTABATO CITY -- Tingkagol sa prisohan ang suspek sa pito ka ihap sa lugos alas 4:00 sa hapon, Lunes, Hunyo 24, 2024, sa Datu Odin Sinsuat, Maguindanao del Norte.

Naila ang suspek nga si Faisal Ara Guiapar alyas Tongan, 42 anyos, minyo, drayber, ug nagpuyo sa Purok Narra, Barangay Bagua 2, Cotabato City.

Matud ni Datu Odin Sinsuat Deputy Chief of Police, Lieutenant Andres Samantilla, nga ilang nadakpan si Guiapar sa Sitio Grotto, Barangay Tamontaka, Datu Odin Sinsuat, Maguindanao del Norte.

Si Guiapar dunay warrant of arrest sa kaso nga rape by sexual assault uban ang pito ka ihap nga giisyu sa Regional Trial Court, 12th Judicial Region, Branch 27, Cotabato City pinetsahan og Marso 21, 2024 nga walay girekomenda nga piyansa.

Pabalhin-balhin og gitagoan ang suspek, hinungdan nga dugay siya nga nadakpan.

Naghuwat na lang ang suspek sa sunod mando sa korte sa selda sa Datu Odin Sinsuat Municipal Police Station. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph