Suspek sa salbids wa pa matumbok

Suspek sa salbids wa pa matumbok
Hulagway gikan sa Cotabato City Police Office.

COTABATO CITY - Wa pay matumbok ang kapulisan sa Cotabato City Police Office sa suspek sa pagsalbids patay sa usa ka ulitawo alas 6:15 sa buntag, Dominggo, Pebrero 18, 2024, sa siyudad.

Ang biktima kinsa nakaplagan na lang nga patay giila nga si John John Bagni Monroid, 24, ug nagpuyo sa Barangay Poblacon 2, Cotabato City.

Gibutyag ni Cotabato City Police Office Director Colonel Querubin Manalang nga nakadawat sila og taho gikan sa mga sibilyan bahin sa patay nga lawas sa lalaki nga naglutaw-lutaw sa Rio Grande de Mindanao, Mother Barangay Poblacion sa dakbayan.

Gihulagway nga ang patay nga lawas gigapos ug dunay mga samad pinusilan sa nagkadaiyang parte sa iyang lawas.

Positibo sab nga giila ang biktima sa iyang pamilya, paryente ug mga silingan.

Giingong sa wa pa makita ang biktima nga patay, nananghid pa kini sa iyang pamilya nga makigkita sa iyang barkada apan sukad niadto wala na kini makapauli. 

Kapulisan sa CCPPO padayon nga nag-imbestiga sa pagpatay sa ulitawo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph