COTABATO CITY -- Gitahan ngadto sa militar ang mga tag-as nga kalibre nga armas nga gikan sa mga sibilyan sa pipila ka mga lungsod sa probinsiya sa Maguindanao del Sur alas 2:45 sa hapon, Lunes, Mayo 6, 2024.
Sumala kang 601st Brigade Commander, Brigadier General Oriel Pangcog nga gisurrender ang mga armas sa kampo sa 33rd Infantry Battalion (33IB) sa Philippine Army sa Radjah Buayan sa maong probinsiya.
Ang pagtahan sa mga molupyo sa ilang mga armas nahitabo tungod sab sa paningkamot sa militar ug sa mga nagkadaiyang local government units sa munisipyo sa Shariff Aguak, Shariff Saydona Mustapha, Datu Abdullah Sangki, Mamasapano, Radjah Buayan, ug Sultan sa Barongis sa probinsiya sa Maguindanao del Sur.
Ang pagtahan sa mga armas gidayeg ni Western Mindanao Command Chief Lieutenant General William Gonzales sa Joint Task Force Central ug 6th Infantry (Kampilan) Division, ubos sa pagpangulo ni Major General Alex Rellira sa gipakusgan nga Balik-Baril Program nga gitumong sa pagpakunhod sa mga armas nga sagad gigamit sa kapintasan.
Lakip sa mga gisurrender nga armas mao ang duha ka caliber .30 Sniper rifles, usa ka 40mm RPG launcher, lima ka 40mm M79 Grenade launcher, duha ka 40mm M203 Grenade launcher, caliber 30 M1 Garand rifles, Caliber 30 carbine rifles, duha ka 12-gauge shotgun, 11 ka 9mm Submachine guns, duha ka Caliber .45 Submachine guns, unom ka Caliber .38 revolver, ug usa ka kalibre .45 nga pistola.
Mga armas pormal nga gidawat ni 601st Brigade Commander Brigadier General Oriel Pangcog ug mga representante sa LGUs.
Ang Western Mindanao Command nagpadayon sa pagmentinar sa kahapsay sa maong probinsiya pinaagi sa pagpalig-on sa decisive military operations ug civil-military operations sa Western, Southern ug Central Mindanao. (EEF)