USA patay samtang laing usa samdan sa pagpamusil nga nahitabo sa General Santos City, alas 9:05 sa gabii, Abril 19, 2024.
Biktima nga tag-iya og peryahan mao si Gerry Azarcon Dequillo, 47, minyo, ug nagpuyo sa Purok 4 Lanton, Barangay Apopog, General Santos City.
Samtang nasamdan ang drayber sa trisekel nga gisakyan sa biktima nga si alyas Roland human kini matapsingan sa bala.
Sa report, sakay ang biktima sa traysikel gikan sa peryahan pauli sa ilang balay.
Apan pag-abot sa Purok 3, Lanton, Barangay Apopong, Gensan nag-atang na diay ang duha ka suspek dayon pusil kang Dequillo sa makadaghang higayon.
Ang drayber dali nga nakadagan human naratol sa hitabo.
Tungod sa daghang saman pinusilan namatay ra sab dayon si Dequillo.
Saysay sa asawa ni Dequillo nga bag-o kini gipatay, duna kini nga nakalalis sa ilang dapit.
Nagbangutan karon ang kabanay sa biktima dungan sa pagsinggit nila og hustisya sa hitabo. (Edgardo E. Fuerzas)