PADAYON sa pagpakita og gilas ang mga magduduwa nga apil sa Davao Regional Athletic Association (Davraa) Meet 2024.
Sa unang adlaw, ang swimmer gikan sa Digos City milangoy og gold medal sa elementary girls 100-meter backstroke.
Si Ishanie Blaire Dugay gipangbiyaan ang mga kaatbang sa kompetisyon nga gihimo sa Davao del Norte Sports and Tourism Complex saTagum City, Abril 1.
Nakakuha sab ang Digos og silver medal via elementary girls 4X50m medley relay team nila Dugay, Marley Alerta, Dianele Allego, ug Kiersten Bidan.
Wa sab pauwahi ang mga manlalangoy sa Davao de Oro human gipupo ang lima ka medalya sa swimming.
Miangkon sa silver medal si Zayin Pink Dayon sa elementary girls 100m backstroke, bronze medal sila Bianca Tulio (secondary girls 100m breaststroke); Khamza Amilul, Nash Alcantara, Xhierwyn Cuizon, Justin Lavesores sa elementary boys 4X50m medley relay; KC Conlato, Venice PeƱaflorida, Zayin Dayon, Precious Baldomar sa elementary girls 4X50m medley relay ug Lovelynfiel Colas, Bianca Tulio, Princess Blanco, Yelena Andi Impuesto.
Abante sab sa ranking ang Tagum Premier human milabni sab og mga medalya gikan gihapon sa swimming.
Lima ka gold medals, unom ka silver ug usa ka bronse ang nakuha sa mga magduduwa gikan sa dapit.
Miharus sa mga gold medals sila Samnyl Emmanuel Enide (elementary boys 400m freestyle); Al Nazzer Saggap (elementary boys 100m backstroke);
Yuan Gabriel Taojo (secondary boys 100m breaststroke); Samnyl Emmanuel Enide (elementary boys 100m breaststroke) ug sila Al Nazzer Saggap, Jayvz Roxas, Chris Immanuel Suaybaguio, Samnyl Emmanuel Enide sa elementary boys 4X50m medley relay.
Samtang silver medalist sila Chris Immanuel Suaybaguio sa elementary boys 400m freestyle; Neil Joaquin Tebar (secondary boys 100m backstroke); Mira Chlaire Catayas (secondary girls 100m breaststroke); Al Nazzer Saggap (elementary boys 100m breaststroke); Neil Joaquin Tebar, Yuan Gabriel Taojo, Khien Taer, Alexander Garcia sa
secondary boys 4X50m medley relay; Alexi Bancud, Mira Catayas, Cassiopeia Sartiga, Duja Mabalod sa secondary girls 4X50m medley relay.
Ug mga bronze medalist sila Cassiopeia Bianca Sartiga (secondary girls 400m IM).